Urtarrilaren 16an irekiko dira izen emateak arratsaldeko 16:00etan. 550 dortsal izango dituzue eskura.
Camille Extreme beste behin bueltan da 2024an. Indarrez jarraitzen dugu, betiko izpiritu berdinarekin eta helburu nagusia izango da Camille Extreme lasterketaren asteburua jai bat izaten jarrai dezala. Mendi lasterketaz haratago, ADI-IKEtik pilak goraino kargatuta dauzkagu, eta Camillek, eta ibilbidean gordetzen dituen ezustekoek, bisitatzera animatzen zareten guztioi ongi etorria emango dizuete.
Camille Extreme Izaban ospatzen den mendi lasterketa bat da eta 2024. urtean bere hemezortzigarren edizioa beteko du. Camille hartza mugitzen ikusi zuten paisaiek, gaur egun beste hartz batzuk pasatzen ikusten dituzte, eta urte luze hauetan mendi korrikalariak pasatzen ikusten ohitu dira. Ehunka izan dira urte guzti hauetan, eta aurten ere hartzek, bakoitza bere izkutalekutik, ziur lasterketa jarraituko dutela.
Ordutegia
– Irteera: 08:00h
– Helmugaren itxiera: 14:00h
– Ekainak 16
Etor zaitez eta gozatu paradisuan dagoen infernu honekin
31,6 kilometroko ibilbideak 2.044 metroko desnibel positiboa du. Ezkaurre (2.047) mendiaren igoera une garrantzitsuenetakoa da. Igoera eta jeitsiera teknikoak ditu, izan ere Ezkaurrek dituen harkaitzetatik ibiltzea ez da erraza eta horregatik, gailur hau lasterketaren erreferentzian bihurtzen dute. Bidetik, ahaleginari aurre egiten lagunduko diztuen 7 anoa puntu izango dituzu.
Benetako mendi lasterketa bat da, non, batzuetan, halako inguru basatietatik pasatzerakoan, hartza edozein tokitan azaldu daitekela ematen duen
Asfaltoko ia tarterik gabe, oso lasterketa menditsua da, eta Iñaki Ochoa de Olza mendizale handiak lehenengo edizioetan aurreikusi zuen bezala, klasiko batean bihurtu da. Atsedenik ez duen lasterketa da, etengabeko igoera eta jeitsierekin; bide batez, Erronkari Ibarreko bidexka ikusgarrienetako batzuk ezagutzeko aukera ematen du.
Piriniotik korrika egitean sentitzen ditugun sentsazioak gertutik ezagutzeko eta, zergatik ez, gure ingurua bisitatzen duten hartzetako batekin aurrez-aurreko bat izateko aukera paregabea.
Hain zuzen ere Iñaki Ochoa de Olzari egindako omenaldi gisa, Ezkaurre mendiko igoera kronometratzen da. Irabazlea Iñaki Ochoa de Olza Memorialaren garailea da, Izabako Kirol Elkarteak ematen duen saririk bereziena.
GOZA ezazu 2023KO CAMILLE EXTREME ASTEBURUAREN LABURPENAREKIN
Ibilbidea
Profila
Irteeratik helmugaraino, ibilbide osoan zehar badago gure begibistan beti dugun elementu bat. Ezkaurre mendia (2.047m) zelatan egoten da lehenengo tartetik eta lasterketaren 31,6 kilometroetako nondik norakoa markatzen duen erreferentzia puntua da. Profilak argi uzten du ez dagoela atsedenerako tarterik, izan ere Ezkaurre mendiaz gain, badaude Godia, Kanasiloa edo Armaia bezalako gailurrak, non ditugun indarrak erakutsi beharko dugun. Eta ez bilatu asfaltorik, ez baitago.
