Ardibidepikua Bertikala 2026
Aurtengo Kilometro Bertikala aldaketekin dator, lehendabizikoz larunbata goizean izango baita, baina beti bezala, Izaban mendiari lotutako asteburu paregabea osatzen lagunduko du.
Data ekainaren 13a, goizeko 10:00etah izango da, Camille Extremen baino egun bat lehenago..
Irteera Izabako herrian bertan egonen da. Erminea frontoiko plazatik Ardibidepikuaruntz joango gara eta helmuga Larratza (1.587m) mendi gailurrean kokatuko da. hortik Izabako, Erronkari bailarako eta Ezkaurreko ikuspegi ezin hobea izango dugu.
Informazio interesgarria
Herri erdigunetik abiatuko den ibilbideak 3.2km ditu eta 800 metroko desnibel positiboa gainditu beharko dute partehartzaileek.
Igoeraren lehen zatia Camille Extremeren azken jeitsiera izango du ibilbide. Eta hortik gora, Ardibidepikuan dauden telebistako antenetatik oso gertu igaro beharko dute azken gailurrera heltzeko.
Ibilbideak denetarik izango du: basoa, Izabako ikuspegi aparta goiko aldean, eta hori bai, maldak ez dira faltako zuen hanken indarra frogatzeko.
“Ibilbideak denetarik izango du: basoa, Izabako ikuspegi aparta goiko aldean…”